مشیر خزانہ خیبرپختونخوا کا وفاق پر صوبے کو نظر انداز کرنے کا الزام

مشیر خزانہ خیبرپختونخوا مزمل اسلم نے وفاقی حکومت پر موٹر وے اور ایکسپریس وے منصوبوں میں صوبے کو نظر انداز کرنے کا الزام عائد کرتے ہوئے شدید تحفظات کا اظہار کیا ہے۔

مزمل اسلم نے اپنے بیان میں کہا کہ وفاقی حکومت ترقیاتی منصوبوں میں خیبرپختونخوا کے ساتھ امتیازی سلوک روا رکھے ہوئے ہے اور صوبے کو اہم شاہراہوں کے منصوبوں میں شامل نہیں کیا جا رہا۔

انہوں نے کہا کہ خیبرپختونخوا ملک کا اہم صوبہ ہونے کے باوجود ترقیاتی منصوبوں میں مسلسل نظر انداز کیا جا رہا ہے، جس سے عوام میں احساس محرومی بڑھ رہا ہے۔

مشیر خزانہ کا کہنا تھا کہ صوبائی حکومت آنے والے دنوں میں بڑے ترقیاتی منصوبوں کا آغاز کرے گی اور عوام کو بہتر سفری سہولیات فراہم کی جائیں گی۔

مزمل اسلم نے کہا کہ خیبرپختونخوا حکومت اپنی ترجیحات کے مطابق میگا منصوبوں پر کام آگے بڑھائے گی تاکہ صوبے کی معاشی اور تجارتی سرگرمیوں کو فروغ دیا جا سکے۔