امریکا اور ایران میں امن سمجھوتے یا مفاہمت کے امکانات بڑھ گئے ہیں، خواجہ آصف

مسلم لیگ (ن) کے مرکزی رہنما اور وزیر دفاع خواجہ آصف نے کہا ہے کہ امریکا اور ایران کے درمیان امن سمجھوتے یا مفاہمت کے امکانات میں نمایاں اضافہ ہوا ہے۔ امریکی خبر رساں ادارے ‘بلومبرگ’ کو دیے گئے ایک انٹرویو میں وفاقی وزیر نے بتایا کہ گزشتہ دو سے تین دنوں کے دوران ملنے والے سفارتی اشارے ظاہر کرتے ہیں کہ دونوں ممالک کسی امن معاہدے یا ڈیل کے کافی قریب پہنچ چکے ہیں۔ خواجہ آصف کا مزید کہنا تھا کہ خطے کے حالات ایک بار پھر تناؤ کم ہونے اور امن معاہدے کے حق میں بنتے دکھائی دے رہے ہیں۔