کیٹی پیری کا ایران پر حملے کی ویڈیو میں اپنے گانے کے استعمال پر اعتراض

مشہور امریکی گلوکارہ کیٹی پیری نے ایران پر امریکی فوجی حملوں کی ترغیبی ویڈیو میں اپنے معروف گانے ‘فائر ورک’ (Firework) کے استعمال پر وائٹ ہاؤس سے شدید احتجاج کیا ہے۔ ٹک ٹاک پر وائٹ ہاؤس کی جانب سے پوسٹ کی گئی اس ویڈیو میں بم دھماکوں کے مناظر کے ساتھ گانے کے بول “بوم، بوم، بوم” شامل کیے گئے تھے۔ کیٹی پیری نے اس عمل پر صدمے اور ناگواری کا اظہار کرتے ہوئے کہا کہ ان کا یہ گانا امید، شفا اور اندرونی طاقت کے پیغام کے طور پر لکھا گیا تھا، اور وائٹ ہاؤس نے جس انداز میں اسے استعمال کیا ہے وہ اس کے اصل مفہوم کے بالکل منافی ہے۔ واضح رہے کہ اس سے قبل اولیویا روڈریگو اور آریانا گرانڈے جیسے دیگر معروف فنکار بھی ٹرمپ انتظامیہ کی جانب سے سیاسی و ملٹری ویڈیوز میں اپنی موسیقی کے بغیر اجازت استعمال پر اعتراضات اٹھا چکے ہیں۔