LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
انقلابی شاعر فیض احمد فیض کو دنیا سے رخصت ہوئے 42 برس بیت گئے میکرون نے یوکرین کی نیٹو میں شمولیت یورپی سلامتی کیلئے انتہائی اہم قرار دیدی نئے صوبوں کے قیام سے ملک کو کوئی نقصان نہیں ہوگا: شوکت یوسفزئی ابوظہبی کے 2 بڑے عجائب گھروں میں بچوں کیلئے مفت تعلیمی سرگرمیوں کا آغاز سلامتی کونسل کالعدم بی ایل اے اور مجید بریگیڈ پر پابندیاں لگائے: چین اقوام متحدہ کے انسانی حقوق کے سربراہ وولکر ترک کا عمران خان کی فوری رہائی، مناسب سلوک اور سیاسی کشیدگی کم کرنے کا مطالبہ افغانستان میں دہشتگرد گروہوں سے رکن ممالک کو خطرہ ہے: سربراہ سلامتی کونسل امریکی صدر نے ایران پر دوبارہ حملوں کا معاملہ اگلے سال تک ملتوی کردیا امریکی سینیٹ نے ٹرمپ کو ایران پر حملوں سے روکنے کی قرارداد مسترد کر دی ترکیہ نے اپنا پہلا بغیر پائلٹ جنگی طیارہ قزل ایلما مسلح افواج کے حوالے کر دیا اینتھروپک کے حصص کی فروخت، کمپنی کی مالیت 15 کھرب تک پہنچ گئی ورلڈ آرٹ دبئی میں 10 ہزار فن پارے نمائش کیلئے پیش، قیمتیں 100 سے 20 ہزار ڈالر تک جدید تحقیق اور ٹیکنالوجی کے فروغ کیلئے شارجہ انوویشن ڈیز 2026ء کا افتتاح کر دیا گیا پاکستان سمیت 15 ممالک کی مقبوضہ فلسطینی علاقوں میں اسرائیلی بستیوں کی تعمیر کی مذمت گزشتہ چند گھنٹوں میں حملوں کے دوران 144 حوثی کمانڈرز اور جنگوؤں کو ہلاک یا زخمی کردیا: یمنی فورسز

یومِ یکجہتی کشمیر: اسلام آباد میں چائنا چوک سے ڈی چوک تک ریلی، کشمیریوں سے بھرپور اظہارِ یکجہتی

Web Desk

5 February 2026

یومِ یکجہتی کشمیر کے موقع پر وفاقی دارالحکومت اسلام آباد میں چائنا چوک سے ڈی چوک تک ایک بڑی ریلی نکالی گئی، جس کی قیادت وفاقی وزیر امورِ کشمیر انجینئر امیر مقام نے کی۔ ریلی میں سول سوسائٹی، اسکول کے طلبہ اور عوام کی بڑی تعداد نے شرکت کی۔

ریلی کے شرکاء نے ہاتھوں میں کشمیریوں کے حق میں پلے کارڈز اور پاکستان و کشمیری پرچم تھام رکھے تھے جبکہ بھارت مخالف نعرے بازی بھی کی گئی۔ ریلی کے اختتام پر ڈی چوک میں سائرن بجا کر مظلوم کشمیریوں سے اظہارِ یکجہتی کے لیے ایک منٹ کی خاموشی اختیار کی گئی۔

اس موقع پر خطاب کرتے ہوئے وفاقی وزیر امورِ کشمیر انجینئر امیر مقام نے کہا کہ عوام کا یہ ولولہ کشمیری بھائیوں کو واضح پیغام دیتا ہے کہ وہ اکیلے نہیں ہیں اور کشمیری عوام کی جدوجہد ضرور رنگ لائے گی۔

وفاقی وزیر برائے پارلیمانی امور ڈاکٹر طارق فضل چوہدری نے کہا کہ پوری دنیا میں پاکستانی کشمیری عوام کے حق میں آواز بلند کر رہے ہیں اور کشمیر کی آزادی قریب ہے۔

ریلی میں شریک شہریوں کا کہنا تھا کہ ایسی سرگرمیاں دنیا کو یہ پیغام دیتی ہیں کہ کشمیر کا مقدمہ زندہ ہے اور اسے فراموش نہیں کیا جا سکتا۔

چیئرمین کشمیر کمیٹی رانا قاسم نون نے کہا کہ ہم فاشسٹ مودی رجیم کی جانب سے کشمیر میں اٹھائے جانے والے تمام اقدامات کی شدید مذمت کرتے ہیں اور عالمی برادری سے اپیل کرتے ہیں کہ وہ کشمیری عوام کے حقوق کے لیے مؤثر آواز بلند کرے۔