LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
پاکستان سٹاک مارکیٹ میں کاروبار کے آغاز پر مثبت رجحان اسلام آباد پولیس کی SWAT فورس کو 20 نئی گاڑیاں فراہم کر دی گئیں پاکستان اور مالدیپ کے درمیان بحری تجارت اور تعاون بڑھانے پر اتفاق خیبر پختونخوا میں امن و استحکام برقرار رکھنے کے لیے پُرعزم ہیں: فیلڈ مارشل مدارس و جدید تعلیمی نظام میں ہم آہنگی وقت کی اہم ضرورت ہے: احسن اقبال خیبر پختونخوا میں امن و استحکام برقرار رکھنے کے لیے پُرعزم ہیں: فیلڈ مارشل مدارس و جدید تعلیمی نظام میں ہم آہنگی وقت کی اہم ضرورت ہے: احسن اقبال پاکستان اور مالدیپ کے درمیان بحری تجارت اور تعاون بڑھانے پر اتفاق اسلام آباد پولیس کی SWAT فورس کو 20 نئی گاڑیاں فراہم کر دی گئیں سعودیہ نے ریاض کے بلند ترین ٹاور متاثر ہونے کی تصدیق کردی سلامتی کونسل کالعدم بی ایل اے اور مجید بریگیڈ پر پابندیاں لگائے: چین افغانستان میں دہشتگرد گروہوں سے رکن ممالک کو خطرہ ہے: سربراہ سلامتی کونسل دبئی رن 2026ء کیلئے اہم سہولت، شرکا کی گاڑیوں کیلئے 15 ہزار پارکنگ مقامات مختص دبئی میں عالمی ٹیکنالوجی نمائش جیٹیکس گلوبل 7 دسمبر سے شروع ہوگی شنگھائی تعاون تنظیم کا اجلاس، وفاقی وزیر مصدق ملک بھارت پہنچ گئے

کراچی: کم عمر بچوں سے زیادتی کیس میں بڑی پیش رفت، ملزم کے خلاف 100 سے زائد متاثرین کا انکشاف

Web Desk

28 January 2026

کراچی میں کم عمر بچوں کے ساتھ جنسی زیادتی کے کیس میں اہم پیش رفت سامنے آئی ہے۔ پولیس کے مطابق گرفتار ملزم عمران کے خلاف 100 سے زائد بچوں کے ساتھ بدفعلی کا شبہ ہے، جبکہ اب تک 9 متاثرہ بچوں کے بیانات جوڈیشل مجسٹریٹ کے سامنے دفعہ 164 کے تحت ریکارڈ کرائے جا چکے ہیں۔

تحقیقات کے مطابق ایک متاثرہ بچے نے بیان دیا کہ 20 دسمبر 2025 کو وہ کام پر جانے کے لیے بس اسٹاپ پر کھڑا تھا کہ ملزم عمران موٹرسائیکل پر آیا اور لفٹ کی پیشکش کی۔ ملزم بچے کو ملیر ندی کے اندر لے گیا جہاں اسے زیادتی کا نشانہ بنایا گیا، بعد ازاں کورنگی ڈرائیونگ لائسنس برانچ کے قریب چھوڑ کر فرار ہو گیا۔

تفتیشی ذرائع کے مطابق ملزم عمران اور اس کے ساتھی کو سرجانی ٹاؤن سے اس وقت گرفتار کیا گیا جب وہ ایک بچے کو اغوا کر کے زیادتی کی غرض سے لے جا رہے تھے۔ بچے کے شور مچانے پر علاقہ مکینوں نے دونوں ملزمان کو پکڑ کر مددگار 15 کے حوالے کیا۔

پولیس کا کہنا ہے کہ ڈی این اے لیب رپورٹس کے مطابق 2020 سے 2025 کے دوران کراچی کے مختلف اضلاع میں رپورٹ ہونے والے بچوں سے زیادتی کے کیسز میں ایک ہی شخص کا ڈی این اے سامنے آیا ہے۔ متاثرہ بچوں کی عمریں 10 سے 14 سال کے درمیان ہیں۔

ذرائع کے مطابق ملزم کے خلاف 2017 سے 2018 کے دوران پنجاب کے مختلف شہروں میں بھی اسی نوعیت کے 8 مقدمات درج ہیں۔ ڈی این اے رپورٹس سامنے آنے کے بعد ایڈیشنل آئی جی کراچی کے حکم پر ایک خصوصی تحقیقاتی ٹیم (SIT) تشکیل دے دی گئی ہے۔