جسٹس بابر ستار نے نوٹس کے بعد اسلام آباد کا سرکاری گھر خالی کر دیا

پشاور ہائیکورٹ کے فاضل جج جسٹس بابر ستار نے رجسٹرار آفس اسلام آباد ہائیکورٹ کی جانب سے جاری کردہ نوٹس پر عملدرآمد کرتے ہوئے اسلام آباد میں قائم اپنا سرکاری گھر خالی کر دیا ہے۔ ذرائع کے مطابق اسٹیٹ آفس کی جانب سے 3 جولائی کو الاٹمنٹ منسوخ کیے جانے کی بنیاد پر رجسٹرار آفس نے انہیں 30 روز کے اندر رہائش گاہ خالی کرنے کا باضابطہ نوٹس جاری کیا تھا۔

ذرائع کا بتانا ہے کہ اسلام آباد ہائیکورٹ سے پشاور ہائیکورٹ تبادلے (ٹرانسفر) کے بعد بھی جسٹس بابر ستار نے پشاور میں فی الوقت سرکاری رہائش گاہ حاصل نہیں کی تھی بلکہ اسلام آباد والی رہائش گاہ ہی برقرار رکھنے کا فیصلہ کیا تھا۔ تاہم رجسٹرار کے نوٹس اور عدالتی چھٹیوں کے اختتام کے بعد انہوں نے دو روز قبل اپنی سرکاری رہائش گاہ مکمل طور پر خالی کر کے انتظامیہ کے حوالے کر دی ہے۔