جاوید میانداد اسپتال پہنچ گئے، معمولی دل کی تکلیف

پاکستان کے سابق ٹیسٹ کرکٹ کپتان جاوید میانداد دل سے متعلق معمولی تکلیف کے باعث اسپتال پہنچ گئے۔ این آئی سی وی ڈی میں ڈاکٹروں کے مکمل معائنے کے بعد انہیں صحت مند قرار دے دیا گیا۔معالجین نے جاوید میانداد کی اینجیوگرافی اور دیگر ٹیسٹ کیے اور دل کی کارکردگی سے متعلق معمولی شکایت کی تصدیق کی۔ ڈاکٹروں نے انہیں ادویات کے ساتھ آرام کرنے کا مشورہ دیا۔جاوید میانداد نے این آئی سی وی ڈی کی سہولیات پر اطمینان کا اظہار کرتے ہوئے کہا: “بہتری محسوس کر رہا ہوں اور قوم کی دعاؤں کا شکر گزار ہوں۔”

واضح رہے کہ سابق کپتان معمول کے چیک اپ کے لیے اسپتال آئے تھے اور کوئی سنگین طبی مسئلہ نہیں پایا گیا۔