فنڈز میں تاخیر، اسرائیلی فوج کا ستمبر سے ریزرو فوج میں کٹوتیوں کا عندیہ

اسرائیلی وزارتِ خزانہ کی جانب سے فنڈز کی منتقلی میں تاخیر پر اسرائیلی فوج نے شدید برہمی کا اظہار کرتے ہوئے ستمبر سے ریزرو فورسز میں کٹوتیوں کا عندیہ دیا ہے۔ اسرائیلی فوجی حکام نے خبردار کیا ہے کہ شدید بجٹ بحران کے باعث نہ صرف انٹیلی جنس شعبے کی سرگرمیاں متاثر ہونے کا خدشہ ہے بلکہ اس تاخیر سے ایران کے خلاف دفاعی تیاریوں کو بھی نقصان پہنچ سکتا ہے۔ حکام کے مطابق بجٹ میں تعطل کی وجہ سے امریکہ کے ساتھ اسلحے کے اہم معاہدے بھی خطرے میں پڑ گئے ہیں، جس کے پیشِ نظر ستمبر کے آغاز سے سخت اور فوری اقدامات اٹھانا ناگزیر ہو جائے گا۔