ایران آبنائے ہرمز کو دوبارہ کھولنے پر تیار ہوگیا: اسرائیلی میڈیا کا دعویٰ

اسرائیلی میڈیا نے دعویٰ کیا ہے کہ ایران بالآخر اہم ترین اسٹریٹجک بحری گزرگاہ آبنائے ہرمز کو دوبارہ کھولنے کے لیے تیار ہو گیا ہے۔ اسرائیلی ٹی وی چینل 12 نے دو اہم سفارتی ذرائع کے حوالے سے رپورٹ شائع کی ہے جس میں کہا گیا ہے کہ ایرانی وزیر خارجہ عباس عراقچی نے سفارتی ذرائع کو آبنائے ہرمز کی بحالی سے متعلق ایران کی آمادگی اور مثبت موقوف کے بارے میں آگاہ کر دیا ہے۔

رپورٹ میں پیش کی گئی تفصیلات کے مطابق، ایران اور عمان کے درمیان طے پانے والے مجوزہ انتظام کے تحت بحری جہاز آبنائے ہرمز میں ایرانی زیرِ نگرانی حصے سے داخل ہوں گے اور عمانی سمندری حدود کی جانب سے گزر کر باحفاظت کھلے سمندر کی طرف نکل جائیں گے۔ اسرائیلی میڈیا نے یہ دعویٰ بھی کیا ہے کہ اس اہم سفارتی پیش رفت نے امریکی صدر ڈونلڈ ٹرمپ کو ایران کے خلاف اپنی مجوزہ اور متوقع بڑی فوجی کارروائی کو فوری طور پر روکنے کا فیصلہ کرنے میں کلیدی کردار ادا کیا۔