ایران نے حملہ کیا تو اسرائیل بھرپور طاقت سے جواب دے گا: اسرائیل کاٹز

اسرائیل کے وزیر دفاع اسرائیل کاٹز نے خبردار کیا ہے کہ اگر ایران نے اسرائیل پر حملہ کیا تو اسرائیلی افواج کسی دوسرے ملک کی اجازت یا مدد کے بغیر اپنے بل بوتے پر بھرپور طاقت کے ساتھ جوابی کارروائی کریں گی۔ ان کا کہنا تھا کہ ستمبر کے وسط سے شروع ہونے والے یہودیوں کے اہم مذہبی تہواروں کے پیش نظر اسرائیلی فوج ایرانی حملے کے خدشے سے نمٹنے کے لیے مکمل طور پر الرٹ ہے اور جنگی طیارے حملے کے لیے تیار حالت میں موجود ہیں۔ اسرائیلی وزیر دفاع نے مزید کہا کہ ایران اس وقت خطے کے مختلف مقامات کو نشانہ بنا رہا ہے اور اسرائیل اپنی دفاعی و جارحانہ کارروائیوں کا حق محفوظ رکھتا ہے۔ اس تازہ بیان نے ایران اور اسرائیل کے درمیان علاقائی کشیدگی کو مزید بڑھا دیا ہے