غزہ میں اسرائیلی فورسز کی بمباری اور فائرنگ، 3 بچوں سمیت 4 فلسطینی شہید

غزہ میں اسرائیلی فوج کی جانب سے کی جانے والی شدید بمباری اور فائرنگ کے نتیجے میں 3 بچوں سمیت کم از کم 4 فلسطینی شہید اور متعدد زخمی ہو گئے ہیں۔ غزہ کے سرکاری میڈیا دفتر کے سربراہ اسماعیل الثوابتہ کے مطابق، اسرائیلی اسپیشل فورسز نے غزہ سٹی میں کارروائی کی کوشش کی، تاہم مشن بے نقاب ہونے پر 10 سے زائد اسرائیلی جنگی طیاروں نے علاقے پر بمباری کر دی۔ دوسری جانب طبی اور ہسپتال ذرائع نے بتایا کہ دیر البلح میں بھی اسرائیلی فورسز کی بلااشتعال فائرنگ سے ایک بچی شہید جبکہ 2 فلسطینی شدید زخمی ہوئے، جبکہ اسرائیلی فوج نے دعویٰ کیا ہے کہ ان حملوں کا مقصد سیکیورٹی فورسز کو درپیش خطرات کو ختم کرنا تھا۔