اسرائیل نے ایران پر ایک بار پھر حملے کی دھمکی دیدی

اسرائیلی وزیر توانائی ایلی کوہن نے ایران پر ایک بار پھر حملے کی دھمکی دیتے ہوئے کہا ہے کہ اگر ایران نے جوہری یا بیلسٹک میزائل بنانے کی کوشش کی تو اس پر دوبارہ حملہ کیا جائے گا۔ عرب میڈیا کے مطابق انٹرویو دیتے ہوئے اسرائیلی وزیر نے واضح کیا کہ اگر ایران امریکا سے معاہدہ کر بھی لیتا ہے، تب بھی جوہری ہتھیار یا پروگرام دوبارہ شروع کرنے پر اسے نشانہ بنایا جائے گا۔ ایلی کوہن کا دعویٰ تھا کہ اگر اسرائیل پہلے حملہ نہ کرتا تو ایران ایٹمی صلاحیت حاصل کر چکا ہوتا، جبکہ امریکا اور اسرائیل کے سابقہ حملوں نے ایرانی جوہری پروگرام کو دو سے چار سال پیچھے دھکیل دیا ہے۔ واضح رہے کہ رواں سال 28 فروری کو امریکا اور اسرائیل کے ایران پر حملے کے نتیجے میں ایرانی رہبر اعلیٰ سمیت متعدد عسکری رہنما شہید ہو گئے تھے۔