ایران جنگ ہی ہماری انتخابی شکست کی وجہ بنی: جے ڈی وینس کا بھی اعتراف

امریکی نائب صدر جے ڈی وینس نے وسط مدتی انتخابات میں ری پبلکن پارٹی کی عبرتناک شکست کا اعتراف کرتے ہوئے کہا ہے کہ ایران جنگ اور اسرائیل سے متعلق پالیسیاں ان کی ناکامی کی بنیادی وجہ بنیں۔

ایک بیان میں جے ڈی وینس نے کہا کہ ایران کے خلاف جنگ کی وجہ سے ری پبلکنز کو سینیٹ میں اپنی اکثریت سے ہاتھ دھونا پڑے۔ انہوں نے اعتراف کیا کہ انتخابی نتائج انتہائی غیر متوقع اور پارٹی کے لیے ایک شدید دھچکا ہیں، جبکہ ملک میں بڑھتی ہوئی مہنگائی اور اسرائیل کے ساتھ تعلقات کی نوعیت نے بھی ووٹرز کو ری پبلکنز کے خلاف ووٹ دینے پر مجبور کیا۔

امریکی نائب صدر کا مزید کہنا تھا کہ نتائج نے ثابت کر دیا ہے کہ امریکی ووٹرز نے ‘امریکہ فرسٹ’ (America First) پالیسی اور اسرائیل سے تعلقات کی ترجیحات میں واضح تبدیلی کا مطالبہ کیا ہے۔ انہوں نے زور دیا کہ اس تاریخی شکست کے بعد ری پبلکن قیادت کو اپنی داخلہ و خارجہ پالیسیوں کا ازسرنو جائزہ لینا ہوگا اور ان پر فوری نظرثانی کرنا ہوگی