اسلام آباد بلدیاتی انتخابات: ڈی آر اوز اور آر اوز کو مجسٹریٹ اختیارات تفویض

اسلام آباد: الیکشن کمیشن آف پاکستان نے اسلام آباد کے بلدیاتی انتخابات کے لیے ڈی آر اوز اور آر اوز کو مجسٹریٹ کے اختیارات تفویض کرتے ہوئے فوری طور پر نوٹیفکیشن جاری کر دیا ہے۔ یہ اختیارات نتائج کے اعلان تک مؤثر رہیں گے۔

ای سی پی کے مطابق بلدیاتی انتخابات 15 فروری 2026 کو شیڈول ہیں، جس کے لیے افسران کو ضابطہ فوجداری 1898 کے تحت خصوصی اختیارات دیے گئے ہیں۔
افسران انتخابی ایکٹ کی دفعات 169 اور 171 کے تحت انتخابی خلاف ورزیوں پر کارروائی کر سکیں گے، جبکہ سیکشن 174 کے تحت سزائیں لاگو ہوں گی۔

نوٹیفکیشن میں مزید کہا گیا کہ ڈی آر اوز اور آر اوز کو سیکشن 190 کے تحت مقدمات کا نوٹس لینے کا اختیار بھی حاصل ہوگا، اور تمام انتخابی خلاف ورزیوں کا چیپٹر XX کے تحت سمری ٹرائل کیا جائے گا۔