اسحاق ڈار اور بنگلہ دیشی مشیر خارجہ کا رابطہ، تجارت اور تعلقات پر گفتگو

پاکستان اور بنگلہ دیش کے درمیان سفارتی سطح پر اہم پیش رفت سامنے آئی ہے۔
ترجمان دفتر خارجہ کے مطابق نائب وزیر اعظم و وزیر خارجہ اسحاق ڈار نے بنگلہ دیش کے مشیر خارجہ سے ٹیلی فونک رابطہ کیا، جس میں علاقائی اور عالمی صورتحال سمیت متعدد امور پر تفصیلی گفتگو ہوئی۔

ترجمان کا کہنا ہے کہ رابطے کے دوران دونوں ممالک کے درمیان دوطرفہ تعلقات کو مزید وسعت دینے پر اتفاق کیا گیا۔
اس موقع پر تجارت اور اقتصادی تعاون بڑھانے پر خصوصی زور دیا گیا۔

دفتر خارجہ کے مطابق فریقین نے باہمی مفادات کے تحفظ اور خطے میں امن و استحکام کے لیے مسلسل رابطے جاری رکھنے پر اتفاق کیا۔
گفتگو میں مختلف شعبوں میں تعاون کو مزید فروغ دینے کے عزم کا بھی اعادہ کیا گیا۔