ایران کو خطرہ ہوا تو عالمی انفراسٹرکچر خطرے میں پڑ سکتا ہے، پاسداران انقلاب

ایرانی پاسدارانِ انقلاب کے ترجمان بریگیڈیئر جنرل حسین محبی نے متنبہ کیا ہے کہ اگر ایران کو کسی قسم کا خطرہ لاحق ہوا تو عالمی انفراسٹرکچر بالخصوص توانائی کی ترسیلی لائنیں اور ہزاروں بجلی گھر شدید خطرے میں آ سکتے ہیں۔ اپنے ایک اہم بیان میں انہوں نے دعویٰ کیا کہ اس وقت خلیج فارس میں ایک بھی امریکی بحری جہاز موجود نہیں ہے، جبکہ ماضی میں ایران پر مسلط کردہ جنگ کے دوران وہاں امریکا کے 30 سے 40 جنگی جہاز تعینات رہتے تھے۔ بریگیڈیئر جنرل حسین محبی کا مزید کہنا تھا کہ ایران کی مؤثر جوابی کارروائی کے ردعمل کے سبب ہی امریکا کے لیے اس جنگ کو اپنی پہلی جیسی قوت کے ساتھ جاری رکھنا ممکن نہیں رہا۔