آپریشن نصر دوم: ایران کا 11 امریکی طیارے تباہ اور 200 فوجیوں کی ہلاکت کا دعویٰ

ایرانی پاسدارانِ انقلاب (IRGC) نے دعویٰ کیا ہے کہ ‘آپریشن نصر دوم’ کے دوران امریکی فوجی اڈوں پر 11 لڑاکا طیارے تباہ، جبکہ 15 روز کے اندر 200 امریکی فوجی ہلاک ہوئے ہیں۔ پاسدارانِ انقلاب کے ترجمان بریگیڈیئر جنرل حسین محبی نے بتایا کہ ایرانی ڈرونز اور میزائلوں نے 8 فوجی مراکز اور 20 پناہ گاہوں کو نشانہ بنایا۔ انہوں نے امریکی حکومت سے مطالبہ کیا کہ وہ صحافیوں کو تباہ شدہ اڈوں کا دورہ کروائے تاکہ حقیقی نقصان سامنے آ سکے۔ ترجمان نے اسرائیل کو شدید نتائج کی دھمکی دی جبکہ برطانیہ کو تنبیہ کی کہ امریکی فورسز کے ساتھ تعاون جاری رکھنے اور اپنے فضائی اڈوں کا استعمال دینے کی صورت میں وہ بھی ایران کا جائز ہدف ہوگا۔