پاسداران انقلاب کا امریکی اڈوں پر 11 جنگی طیارے اور ہیلی کاپٹر تباہ کرنے کا دعویٰ

ایران کی سپاہِ پاسدارانِ انقلاب (IRGC) نے دعویٰ کیا ہے کہ گزشتہ دو ہفتوں کے دوران امریکی فوجی اڈوں پر کیے گئے حملوں میں 11 جنگی طیارے اور ہیلی کاپٹر تباہ کیے جا چکے ہیں۔ ترجمان جنرل حسین محبی کے مطابق ایرانی پاسدارانِ انقلاب کی ان کارروائیوں کے نتیجے میں 17 ڈرونز، شیلٹر میں موجود ایک ایف-15 (F-15) جنگی طیارہ، ایک پی-8 (P-8) طیارہ، ایک سی-17 (C-17) ٹرانسپورٹ طیارہ اور 8 ری فیولنگ ایئر کرافٹ تباہ ہوئے ہیں۔

دوسری جانب ایران کی سپریم نیشنل سیکیورٹی کونسل کے سربراہ محمد باقر ذوالقدر نے اپنے عزم کا اعادہ کرتے ہوئے کہا ہے کہ امریکی اہداف کے خلاف کارروائیاں اس وقت تک ختم نہیں ہوں گی جب تک دشمن مکمل طور پر ہتھیار نہ ڈال دے اور مناب و لیمرد میں بچوں کی شہادتوں کا بدلہ نہ لے لیا جائے۔