ایران کا اردن میں امریکی ایئربیس پر حملہ، تین ایف 35 طیارے تباہ کرنے کا دعویٰ

ایران کے پاسدارانِ انقلاب (IRGC) نے دعویٰ کیا ہے کہ قشم جزیرے پر امریکی حملے کے ردِعمل میں اردن کے الازرق ایئربیس کو متعدد بیلسٹک میزائلوں سے نشانہ بنایا گیا ہے، جس سے 3 امریکی ایف-35 (F-35) جنگی طیاروں کو شدید نقصان پہنچا ہے اور دشمن کے متعدد افسران و اہلکار ہلاک ہوئے ہیں۔ پاسدارانِ انقلاب نے اپنے بیان میں واضح کیا ہے کہ جب تک خطے سے امریکی افواج کا مکمل انخلا یقینی نہیں ہو جاتا ان کی جدوجہد جاری رہے گی۔ ایرانی فوج نے خبردار کیا ہے کہ امریکی دھمکیوں اور بحری جہازوں کی آمدورفت میں مداخلت جاری رہنے تک آبنائے ہرمز مکمل طور پر بند رہے گی اور جارح ملک کو اس کے اقدامات کا منہ توڑ جواب دیا جائے گا۔