عراق کا آبنائے ہرمز سے تیل برآمد کرنے کیلئے ایران سے خصوصی رعایت کا مطالبہ

عراق نے خطے کی موجودہ صورتحال کے پیشِ نظر آبنائے ہرمز کے ذریعے اپنے تیل کی برآمدات کو بلا تعطل جاری رکھنے کے لیے ایران سے خصوصی رعایت اور گنجائش دینے کا مطالبہ کر دیا ہے۔ یہ مطالبہ عراقی پارلیمنٹ کے سپیکر ہیبت الحلبوسی اور ان کے ایرانی ہم منصب محمد باقر قالیباف کے درمیان ہونے والی ایک اہم ملاقات کے دوران سامنے آیا، جہاں عراقی سپیکر نے تیل برآمدات کی حفاظت اور تسلسل کے لیے آبنائے ہرمز میں خصوصی حیثیت فراہم کرنے کی درخواست کی۔

ملاقات کے دوران ہیبت الحلبوسی کا کہنا تھا کہ عراق علاقائی تناؤ اور معاشی چیلنجز سے سب سے زیادہ متاثر ہونے والے ممالک میں شامل ہے، اس لیے اس کے معاشی مفادات کا تحفظ ضروری ہے۔ جواب میں ایرانی پارلیمنٹ کے سپیکر محمد باقر قالیباف نے کہا کہ ایران، عراق کے ساتھ تجارتی اور اقتصادی تعلقات کو مزید مضبوط بنانے کے لیے پرعزم ہے اور دونوں ممالک کے درمیان تعاون کا سلسلہ جاری رہے گا۔