امریکا اقتصادی دباؤ سے اپنے مقاصد حاصل نہیں کرسکتا: ایرانی صدر

ایرانی صدر مسعود پزشکیان نے عزم ظاہر کیا ہے کہ امریکا شدید اقتصادی دباؤ اور پابندیوں کے ذریعے ایران سے اپنے مقاصد حاصل نہیں کر سکتا، اور ایران تمام تر دباؤ کے باوجود اپنی بنیادی پالیسی پر قائم رہے گا۔ انہوں نے کہا کہ واشنگٹن جنگ کے میدان میں ناکامی کے بعد اب معاشی دباؤ کا سہارا لے رہا ہے جو کہ اسی طرح ناکام ہوگا، جبکہ نئی امریکی پابندیوں سے نمٹنے کے لیے تہران نے مکمل اقدامات تیار کر لیے ہیں۔ صدر پزشکیان نے واضح کیا کہ حکومت اور نجی شعبہ مل کر مارکیٹ کو مستحکم رکھنے کے لیے کوشاں ہیں اور ان مشکل حالات میں بھی عوام کی بنیادی ضروریات کی فراہمی کو بلا تعطل یقینی بنایا جا رہا ہے۔