دشمن کا کوئی بھی غلط اقدام فوری جوابی کارروائی کا باعث بنے گا: ایرانی فوج

ایرانی فوج نے خبردار کیا ہے کہ دشمن کا کوئی بھی غلط قدم فوری اور شدید جوابی کارروائی کا باعث بنے گا، اور یہ تنازع اب مخصوص جغرافیائی حدود تک محدود نہیں رہے گا۔ ایرانی فوج نے متنبہ کیا ہے کہ مستقبل کی جنگ میں نئے اہداف شامل ہو سکتے ہیں، جبکہ باب المندب اور شام میں قائم امریکی فوجی اڈے پہلے ہی اس تنازع کا حصہ بن چکے ہیں۔ تہران نے خطے میں توانائی اور مواصلاتی تنصیبات کو بھی ممکنہ ہدف بنانے کا انتباہ جاری کرتے ہوئے واضح کیا ہے کہ اگر جنگ چھیڑی گئی تو اس کے نتیجے میں پورے خطے کا بنیادی انفراسٹرکچر اور ڈھانچہ شدید خطرے سے دوچار ہو جائے گا۔