ایران کا دفاعی صلاحیتیں مزید مضبوط بنانے کا عمل جاری رکھنے کا اعلان

ایران کے وزیر دفاع بریگیڈیئر جنرل سید مجید ابن الرضا نے میڈیا سے گفتگو کرتے ہوئے کہا ہے کہ ملک کی دفاعی صلاحیتوں کو مزید مضبوط بنانے کا عمل جاری رہے گا اور دفاعی تیاریوں میں کسی قسم کا تعطل نہیں آنے دیا جائے گا۔ انہوں نے زور دیا کہ موجودہ اور مستقبل کے خطرات سے نمٹنے کے لیے ایران کی دفاعی طاقت میں مسلسل اضافہ ناگزیر ہے اور مسلح افواج اس مقصد کے لیے تمام صلاحیتیں بروئے کار لائیں گی۔ ایرانی وزیر دفاع نے نوجوانوں اور ماہر سائنسدانوں کو ملک کا سب سے بڑا اثاثہ قرار دیتے ہوئے کہا کہ انہوں نے سخت پابندیوں کے باوجود جدید ٹیکنالوجیز تیار کی ہیں۔ انہوں نے قومی اتحاد کو مجموعی دفاعی طاقت کا اہم ترین عنصر قرار دیتے ہوئے عزم ظاہر کیا کہ دفاعی شعبے سے وابستہ اہلکار اپنی ذمہ داریوں سے پیچھے نہیں ہٹیں گے اور یہ عمل کبھی نہیں روکا جائے گا۔