توانائی کی تنصیبات پرحملہ ہواتوامریکی کمپنیوں کو نشانہ بنائیں گے، ایرانی وزیرخارجہ

ایران کے وزیر خارجہ عباس عراقچی کا کہنا ہے کہ ان کا ملک توانائی کی تنصیبات پر کسی بھی حملے کا جواب خطے میں امریکی کمپنیوں کو نشانہ بنا کر دے گا۔

عباس عراقچی نے کہا کہ اگر ایرانی تنصیبات کو نشانہ بنایا گیا تو ہماری افواج خطے میں امریکی کمپنیوں یا ان کمپنیوں کو نشانہ بنائیں گی جن میں امریکہ کے حصص ہیں۔‘

ایرانی میڈیاکے مطابق وزیرخارجہ نے ایک بیان میں مزید کہاکہ ہم یقینی طور پر ان حملوں کا جواب دیں گے لیکن احتیاط سے کام لیں گے تاکہ گنجان آباد علاقوں کو نشانہ نہ بنایا جائے۔

ایرانی وزیر خارجہ کا یہ بیان امریکی فوج کی جانب سے خارگ جزیرے کو نشانہ بنانے کے چند گھنٹے بعد سامنے آیا ہے۔ایران کے تیل کی برآمدات کا 90 فیصد اس جزیرے سے گزرتا ہے۔