ایران کے آپریشن وعدہ صادق 4 کی 67 ویں لہر، اسرائیلی و امریکی اہداف پر حملے

ایران کے  پاسدارانِ انقلاب اسلامی نے اعلان کیا ہے کہ آپریشن وعدہ صادق 4 کی 67ویں لہر میں  بیلسٹک میزائلوں اور ڈرونز کے ذریعے امریکی و اسرائیلی اہداف پر حملے کیے گئے ہیں ۔

پاسداران انقلاب کے شعبہ تعلقات عامہ کے مطابق یہ کارروائی  جمعہ کے روز ماہِ رمضان کے آخری دن  کی گئی اور اسے  پاسداران کے شہید ترجمان بریگیڈیئر جنرل ڈاکٹر علی محمد نائینی کے نام سے منسوب کیا گیا۔

بیان میں کہا گیا کہ اس حملے میں خطے میں امریکی افواج کے ٹھکانوں، ریڈار سسٹمز اور مقبوضہ فلسطینی علاقوں میں موجود فوجی تنصیبات کو نشانہ بنایا گیا۔

پاسداران انقلاب کے مطابق خطے میں امریکی فوجی اڈوں،  ڈرون کمانڈ سینٹر، طیاروں کی مرمت و دیکھ بھال کے مراکز، ہیلی کاپٹر سپورٹ تنصیبات اور میزائل دفاعی ریڈار سسٹمز کو بھی نشانہ بنایا گیا۔

بیان میں مزید کہا گیا کہ اس حملے میں صہیونی ریاست کے وسطی، جنوبی اور شمالی علاقوں میں سیٹلائٹ، ریڈار اور دفاعی مراکز کو بھی مؤثر طور پر ہدف بنایا گیا۔