امریکی ووٹرز آبنائے ہرمز کی ناکہ بندی کی قیمت ادا کریں گے، ایرانی عہدیدار کا انتباہ

ایرانی سپریم نیشنل سکیورٹی کونسل کے سیکرٹری محمد باقر ذوالقدر نے شدید خبردار کرتے ہوئے کہا ہے کہ اگر امریکی کارروائیاں جاری رہیں تو ایران آبنائے ہرمز سمیت اہم ترین بین الاقوامی بحری راستوں کی ناکہ بندی کر سکتا ہے، جس کی بھاری قیمت امریکی ووٹرز کو ادا کرنا پڑے گی۔

ایرانی ذرائع ابلاغ کے مطابق اپنے ایک بیان میں محمد باقر ذوالقدر نے کہا کہ آبنائے ہرمز کی ممکنہ بندش سے عالمی معیشت، تیل کی منڈیاں اور امریکی عوام براہ راست متاثر ہوں گے۔ انہوں نے مزید کہا کہ امریکی انتظامیہ کی عاقبت نااندیشانہ پالیسیوں اور اقدامات کے منفی نتائج نہ صرف خطے بلکہ دنیا بھر میں محسوس کیے جائیں گے۔