ایران کی دبئی اور دوحہ کے بعض علاقوں میں ممکنہ حملوں کی وارننگ

ایران نے دبئی اور دوحہ کے مخصوص علاقوں میں ممکنہ حملوں کے حوالے سے وارننگ جاری کر دی ہے۔
ایرانی میڈیا آپریشنز سینٹر کی جانب سے جاری بیان میں کہا گیا ہے کہ آئندہ چند گھنٹوں کے دوران دبئی اور دوحہ کے بعض علاقوں میں رہنے والے افراد احتیاطی تدابیر اختیار کریں اور ممکنہ طور پر علاقے خالی کر دیں۔
خبرایجنسی کے مطابق ایران کا دعویٰ ہے کہ ان مقامات پر امریکی فوجی اہلکار موجود ہیں۔
بیان میں کہا گیا ہے کہ ایران اس سے قبل بھی خلیجی ممالک میں موجود امریکی تنصیبات کو ممکنہ اہداف قرار دے چکا ہے۔
اس سے قبل ایرانی وزیر خارجہ نے کہا تھا کہ وہ برادر پڑوسی ممالک سے مطالبہ کرتے ہیں کہ وہ غیر ملکی جارح قوتوں کو اپنے خطے سے نکال باہر کریں۔
ان کا کہنا تھا کہ ان جارح ممالک کی واحد تشویش صرف اسرائیل کے مفادات کا تحفظ ہے۔