ایران کا خطے میں امریکی واسرائیلی بینکوں کونشانہ بنانے کااعلان

ایران نےامریکا اور اسرائیل سے منسلک اقتصادی اور بینکنگ مراکز کو نشانہ بنانے کا اعلان کر دیا۔بتایاگیاہےکہ یہ اقدام ایران میں ایک بینک کو نشانہ بنائے جانے کے جواب میں کیا جا رہا ہے۔

ترجمان خاتم الانبیاء فوجی کمانڈ ہیڈکوارٹر ابراہیم ذالفقاری نے ایک بیان میں کہا کہ تہران میں بینک سپہ کا انتظامی دفتر اسرائیل امریکی حملے میں متاثر ہوا۔

ابراہیم ذلفقاری کا کہنا تھا کہ یہ بینک ملک کے بڑے عوامی بینکوں میں سے ایک ہے، بینک سپہ کو امریکی اور اسرائیلی کارروائیوں کا نشانہ بنایا گیا، دشمن اقتصادی مراکز اور بینکوں کو جواب میں نشانہ بنانے پر مجبور کر رہا ہے۔

ترجمان خاتم الانبیاء فوجی کمانڈ ہیڈکوارٹر کا مزید کہنا تھا کہ علاقے کے لوگوں کو ہدایت کی کہ بینکوں سے کم از کم 1ہزار میٹر دور رہیں، یہ کارروائی خطے میں دشمن کی مداخلت اور حملوں کے جواب میں کی جا رہی ہے۔

واضح رہے اسرائیل۔ایران تنازع اب صرف فوجی نہیں رہا بلکہ معاشی میدان میں بھی پھیل رہا ہے، ایران کے پہلے ہی آبنائے ہرمز میں تیل کی ترسیل روکنے  سے تیل کی سپلائی اور قیمتیں متاثر ہو رہی ہیں۔