عباس عراقچی کا ایرانی بحری جہاز کے عملے کو ریسکیو کرنے پر سری لنکا سے اظہار تشکر

ایرانی وزیر خارجہ عباس عراقچی کا سری لنکن ہم منصب سے رابطہ، بحری جہاز کے عملے کی ریسکیو پر شکریہ

ایرانی وزیر خارجہ عباس عراقچی نے سری لنکن ہم منصب کو ٹیلیفون کیا اور ایرانی بحری جہاز کے عملے کی بحفاظت ریسکیو پر شکریہ ادا کیا۔

ایرانی وزارت خارجہ کے مطابق عباس عراقچی نے امریکا کے خلاف عالمی فورم پر مقدمہ دائر کرنے کا عندیہ بھی دیا۔ اس دوران دونوں وزرائے خارجہ نے مشرق وسطیٰ کی بدلتی ہوئی صورتحال پر تبادلہ خیال کیا، جبکہ سری لنکا نے خطے میں بڑھتی کشیدگی پر شدید تشویش کا اظہار کیا اور امن کی بحالی کے لیے سفارتی مذاکرات کی اہمیت پر زور دیا۔