ایران کا امریکا کو دوٹوک پیغام، کارروائیاں ہتھیار ڈالنے تک جاری رکھنے کا اعلان

ایران کی سپریم نیشنل سیکیورٹی کونسل کے سربراہ محمد باقر ذوالقدر نے کہا ہے کہ خطے میں امریکی اہداف کے خلاف کارروائیاں اس وقت تک جاری رہیں گی جب تک دشمن مکمل طور پر ہتھیار نہیں ڈال دیتا اور مناب و لیمرد میں بچوں کی ہلاکتوں کا بدلہ نہیں لے لیا جاتا۔ ایرانی میڈیا کے مطابق اپنے بیان میں انہوں نے کہا کہ خطے میں اٹھتے دھویں کے بادل اس بات کی علامت ہیں کہ کسی امریکی فوجی، سیکیورٹی یا مالی مرکز کو نشانہ بنایا گیا ہے۔ انہوں نے مزید کہا کہ ایرانی فوج کی مسلسل کارروائیاں بیدار ایرانی قوم کے غصے کا اظہار ہیں۔

ایرانی میڈیا کی رپورٹ کے مطابق امریکی فوج گزشتہ 13 روز سے ایران کے مختلف علاقوں میں فضائی کارروائیاں کر رہی ہے، جن میں شہری تنصیبات، مواصلاتی ڈھانچے، پلوں اور پانی کی فراہمی کے نظام کو بھی نشانہ بنایا گیا ہے۔ ان امریکی حملوں میں اب تک 55 افراد ہلاک جبکہ 645 زخمی ہو چکے ہیں۔ رپورٹ میں مزید بتایا گیا ہے کہ ایران نے ان جوابی کارروائیوں کے تحت ڈرونز اور میزائلوں کے ذریعے خطے میں موجود امریکی فوجی اڈوں کو شدید نشانہ بنایا ہے۔