ایران نے امریکی حملے کو جنگ بندی کی ’’لاپروا خلاف ورزی‘‘ قرار دیدیا

ایرانی پارلیمنٹ کی قومی سلامتی کمیٹی کے سربراہ ابراہیم عزیزی نے ایران پر امریکی فضائی حملوں کی شدید مذمت کرتے ہوئے انہیں جنگ بندی کی ’’لاپروا خلاف ورزی‘‘ قرار دیا ہے۔ سوشل میڈیا پلیٹ فارم ‘ایکس’ (سابقہ ٹویٹر) پر جاری اپنے ایک بیان میں ابراہیم عزیزی نے کہا کہ امریکی صدر ڈونلڈ ٹرمپ نے ایک بار پھر ثابت کر دیا ہے کہ وہ نہ تو مذاکرات کے اصولوں کے پابند ہیں اور نہ ہی جنگ بندی کے کسی معاہدے کا احترام کرتے ہیں۔

انہوں نے سخت الفاظ میں خبردار کیا کہ ایران پر امریکی حملہ ایک غیر ذمہ دارانہ اقدام ہے، جس کا نتیجہ ماضی کی طرح ایک بار پھر امریکا کے لیے صرف پسپائی اور پشیمانی کی صورت میں ہی نکلے گا۔ ابراہیم عزیزی کا مزید کہنا تھا کہ اب امریکا کا الزام تراشی کا کھیل مزید نہیں چلے گا۔