ایران نے کوہ کلنگ بارے امریکی الزامات بے بنیاد، من گھڑت قرار دیدیئے

ایران نے کوہ کلنگ سے متعلق امریکہ کی جانب سے عائد کیے گئے تمام الزامات کو مکمل طور پر بے بنیاد، من گھڑت اور من گھڑت پراپیگنڈا قرار دے کر مسترد کر دیا ہے۔ ایرانی وزارتِ خارجہ کے ترجمان اسماعیل بقائی نے ردِعمل دیتے ہوئے کہا کہ امریکی حملے اقوامِ متحدہ کے چارٹر اور بین الاقوامی قوانین کی کھلی خلاف ورزی ہیں، جبکہ امریکہ اصل میں ایران کی سائنسی و تکنیکی پیش رفت کا دشمن ہے۔

ایرانی میڈیا کے مطابق اسماعیل بقائی نے واضح کیا کہ ایران کی تمام جوہری سرگرمیاں بین الاقوامی ایٹمی توانائی ایجنسی (IAEA) کے سامنے مکمل طور پر شفاف اور ظاہر کی جا چکی ہیں۔ انہوں نے اس بات پر بھی شدید تحفظات کا اظہار کرتے ہوئے سوال اٹھایا کہ اس معاملے پر آئی اے ای اے کے ڈائریکٹر جنرل خاموش کیوں ہیں؟ ترجمان کے مطابق امریکی اقدامات خطے میں جارحیت، تباہی اور تخریب کاری کے لیے من گھڑت بہانے تراشنے کی کوشش ہے۔

ترجمان ایرانی وزارتِ خارجہ نے امریکہ کو انتباہ جاری کرتے ہوئے کہا کہ ایران کی ملکی خودمختاری اور قومی سلامتی پر ہونے والے ہر حملے اور کسی بھی مس ایڈونچر کا بھرپور اور سخت جواب دیا جائے گا۔ انہوں نے مزید کہا کہ ایرانی عوام اور افواج اپنے ملکی دفاع اور سلامتی کی خاطر مکمل طور پر متحد اور ہر دم تیار ہیں۔