ایران کا یورپی یونین کو دوٹوک جواب، انسانی حقوق پر مؤقف مسترد

ایرانی وزارتِ خارجہ کے ترجمان اسماعیل بقائی نے یورپی یونین کی خارجہ امور اور سیکیورٹی پالیسی کی سربراہ کایا کالاس (Kaja Kallas) کے حالیہ بیان کو سخت تنقید کا نشانہ بناتے ہوئے یورپی یونین کے مؤقف کو سراسر مسترد کر دیا ہے۔

ترجمان اسماعیل بقائی نے کہا کہ کایا کالاس ایک طرف ایران کے حوالے سے انسانی حقوق پر تشویش کا اظہار کر رہی ہیں، لیکن دوسری جانب انسانی حقوق کے تحفظ کے یہی مدعی ایرانی عوام کے خلاف مہلک حملوں کے لیے لاجسٹک اور تکنیکی تعاون کی حمایت کر رہے ہیں، جسے کسی صورت جائز قرار نہیں دیا جا سکتا۔ انہوں نے مزید کہا کہ انسانی حقوق کے معاملے پر مغرب کا یہ دوہرا معیار نا قابلِ قبول ہے اور ان کے ایسے متضاد مؤقف سے ان کی نیت پر سنجیدہ سوالات جنم لیتے ہیں۔