ایران آئندہ 50 برسوں کے ممکنہ خطرات سے نمٹنے کی تیاری کر رہا ہے، جنرل ابن الرضا

ایران کے قائم مقام وزیرِ دفاع بریگیڈیئر جنرل ابن الرضا نے اعلان کیا ہے کہ ایران آنے والے 50 برسوں کے ممکنہ عسکری و سیکیورٹی خطرات سے نمٹنے کے لیے جامع طویل المدتی حکمت عملی پر کام کر رہا ہے۔ اپنے ایک اہم بیان میں انہوں نے بتایا کہ حالیہ جنگ اور تنازعات سے حاصل ہونے والے تمام تر تجربات اور معلومات کی روشنی میں یہ پیشگی منصوبہ بندی کی جا رہی ہے۔ قائم مقام وزیرِ دفاع کا مزید کہنا تھا کہ وزارتِ دفاع کی آئندہ حکمت عملی میں بیرونی انحصار ختم کر کے ملک کی اپنی قومی، دفاعی اور مقامی صلاحیتوں سے زیادہ سے زیادہ استفادہ کرنے پر کامل توجہ مرکوز کی جائے گی۔