پابندیوں کے باوجود تیل کی عالمی منڈیوں تک ترسیل جاری ہے، ایرانی وزیر پٹرولیم

ایران کے وزیرِ پٹرولیم محسن پاک نژاد نے بیان دیا ہے کہ سخت امریکی و عالمی پابندیوں کے باوجود دور دراز سمندری علاقوں کے ذریعے مختلف صارفین تک ایرانی تیل کی ترسیل کا سلسلہ بلا تعطل جاری ہے۔ انہوں نے اعتراف کیا کہ پابندیوں کے باعث تیل کی مجموعی فروخت میں کمی ضرور آئی ہے، تاہم ایرانی پٹرولیم شعبے کی فعالیت اور سرگرمیاں مکمل طور پر معطل نہیں ہوئی ہیں۔ ایرانی وزیرِ پٹرولیم نے تیل کی برآمدات کی حتمی تفصیلات اور حکمتِ عملی سے متعلق بات کرنے سے گریز کرتے ہوئے کہا کہ ترسیل سے جڑے تکنیکی حقائق عام کرنے سے دشمن کو فائدہ پہنچ سکتا ہے، اس لیے ان کی راز داری برقرار رکھی جا رہی ہے۔