ٹرمپ آبنائے ہرمز پر بے بنیاد دعوؤں کے بجائے اپنی سلامتی پر توجہ دیں: ابراہیم عزیزی

ایرانی پارلیمنٹ کے قومی سلامتی کمیشن کے سربراہ ابراہیم عزیزی نے ڈونلڈ ٹرمپ کے آبنائے ہرمز سے متعلق بیانات پر سخت ردِعمل دیتے ہوئے کہا ہے کہ وہ بے بنیاد اور نہ ختم ہونے والے دعوؤں کے بجائے اپنی ذاتی سلامتی پر توجہ دیں۔ ابراہیم عزیزی کا کہنا تھا کہ ٹرمپ اپنی حفاظت اور سلامتی کا بندوبست کریں تاکہ انہیں آئندہ فرار کے لیے کسی ٹرک میں نہ چھپنا پڑے۔ انہوں نے گزشتہ ماہ کے ایک واقعے کا حوالہ دیتے ہوئے دعویٰ کیا کہ ترکیہ سے برطانیہ سفر کے دوران سیکیورٹی خطرات کی وجہ سے ٹرمپ کو ایک کیٹرنگ ٹرک کے ذریعے جہاز تک پہنچایا گیا تھا، لہٰذا وہ دوسروں پر تنقید کرنے سے پہلے اپنے سیکیورٹی خدشات پر غور کریں۔