ایران کا اسرائیل پر بیلسٹک میزائل حملہ، 20 سے زائد افراد زخمی

ایران نے اسرائیل پر بیلسٹک میزائل داغ کر تقریباً 20 افراد کو زخمی کر دیا۔ اسرائیل کے وسطی علاقے میں آپریشن “وعدہ صادق” کے تحت ایران نے 10 مقامات کو میزائلوں سے نشانہ بنایا، جن میں کلسٹر وار ہیڈ والے میزائل شامل تھے۔

جنوبی اسرائیل کے شہر ڈیمونا میں ایک میزائل عمارت پر براہِ راست گرا، جس سے جانی اور مالی نقصان ہوا۔ ریسکیو ادارے میگن ڈیوڈ ایڈم کے مطابق امدادی ٹیمیں فوری طور پر جائے وقوعہ پر پہنچ گئیں اور زخمیوں کو اسپتال منتقل کیا گیا۔

عینی شاہدین نے بتایا کہ حملے کے بعد زور دار دھماکہ ہوا اور ملبہ اطراف میں بکھر گیا، جس سے مزید خطرے کا خدشہ ظاہر کیا گیا۔ شہر اور قریبی علاقوں میں سائرن بج اٹھے اور شہری خوفزدہ ہو کر شیلٹرز میں گئے۔