ایرانی فوج کا یو اے ای اور کویت میں امریکی اڈوں پر نئے حملوں کا دعویٰ

ایرانی فوج نے دعویٰ کیا ہے کہ ‘آپریشن تھنڈر’ کے 31ویں مرحلے کے دوران متحدہ عرب امارات (UAE) اور کویت میں قائم امریکی فوجی اڈوں کو نئے ڈرون اور میزائل حملوں کا نشانہ بنایا گیا ہے۔ ایرانی فوجی ترجمان کے مطابق ان کارروائیوں کا بنیادی ہدف کویت کا احمد الجابر ایئر بیس تھا، جہاں امریکی فوج کے سیٹلائٹ مواصلاتی نظام، لڑاکا طیاروں کے ہینگرز، اور فوجی سازوسامان کے گوداموں کو نقصان پہنچایا گیا۔

ایرانی فوج کے جاری کردہ بیان میں ان حملوں کے نتیجے میں ہونے والے جانی یا مالی نقصان کی مکمل تفصیلات پیش نہیں کی گئیں۔ دوسری جانب، کویت، امارات یا امریکی حکام کی طرف سے ان دعووں اور حملوں سے ہونے والے نقصان کے حوالے سے فوری طور پر کوئی باضابطہ تصدیق یا ردِعمل سامنے نہیں آیا ہے۔