ایران طویل جنگ کے لئے پوری طرح تیار ہے: سربراہ ایرانی سٹریٹجک کونسل

ایران کے سربراہ سٹریٹجک کونسل برائے خارجہ امور، کمال خرازی نے کہا ہے کہ ایران طویل جنگ کے لیے پوری طرح تیار ہے۔

سی این این کو دیے گئے انٹرویو میں کمال خرازی نے کہا کہ امریکا سفارت کاری کی زبان نہیں سمجھتا اور اس نے متعدد مواقع پر اس کا ثبوت دیا ہے۔ اُن کے مطابق، ڈونلڈ ٹرمپ نے مذاکرات کے دوران وعدے پورے نہیں کیے اور ایران پر حملے کیے گئے۔کمال خرازی نے مزید کہا کہ موجودہ حالات میں سفارت کاری کی کوئی گنجائش موجود نہیں ہے، اور جنگ کے باعث خطے اور دیگر ممالک پر معاشی دباؤ بڑھ رہا ہے۔انہوں نے عرب ممالک پر زور دیا کہ وہ جنگ کے خاتمے کے لیے امریکا پر دباؤ ڈالیں، کیونکہ اگر جنگ جاری رہی تو عالمی سطح پر معاشی دباؤ مزید بڑھے گا۔