آپریشن ‘وعدہ صادق 4’: ایران کے اسرائیل پر تباہ کن میزائل حملے، تل ابیب لرز اٹھا

ایران نے اسرائیل پر میزائلوں سے تازہ حملے کیے ہیں، ایرانی پاسداران انقلاب کے مطابق آپریشن وعدہ صادق فور کی تیئیسویں لہر کا آغاز کردیا گیا ہے۔ اس مرحلے میں میزائل اور ڈرون حملوں کے ذریعے مقبوضہ فلسطین میں اہم اہداف کو نشانہ بنایا جا رہا ہے۔ ایرانی میزائل حملوں کے بعد تل ابیب میں کئی دھماکوں کی آوازیں سنی گئیں، اطلاعات ہیں کہ اسرائیل کی اہم جوہری تنصبات کو نقصان پہنچا ہے۔ جبکہ تل ابیب میں موجود بھارتی صحافی نے بتایا ہے کہ تل ابیب میں بڑی تباہی ہوئی ہے، دھماکوں سے زمین کے سو میٹر نیچے موجود سرنگیں بھی لرز گئیں۔ بھارتی صحافی کا کہنا تھا اسرائیل میں لاشوں اور زخمیوں کی تصاویر لینے کی اجازت نہیں۔ ایرانی بحریہ کے مطابق ایک علیحدہ کارروائی میں سمندر میں موجود امریکی طیارہ بردار جہاز یو ایس ایس ابرہام لنکن کو نشانہ بنانے کے لیے ساحل سے سمندر میں مار کرنے والا میزائل فائر کیا گیا ہے۔ ایرانی حکام کے مطابق مسلح افواج طویل جنگ کے لیے مکمل طور پر تیار ہیں اور ضرورت پڑنے پر جدید ہتھیار بھی میدان میں لائے جائیں گے