جنگ کا خاتمہ اسلام آباد مفاہمتی یادداشت کے مطابق ہونا چاہیے: پاسداران انقلاب

ایرانی پاسدارانِ انقلاب کے سیاسی نائب بریگیڈیئر جنرل یداللّٰہ جوانی نے ایرانی میڈیا کو دیے گئے ایک انٹرویو میں واضح کیا ہے کہ جنگ کا حتمی خاتمہ اسلام آباد مفاہمتی یادداشت کے مطابق ہی ہونا چاہیے۔ انہوں نے کہا کہ اگر امریکا اس معاہدے کے تحت اپنی تمام ذمہ داریاں پوری کرتا ہے تو ہی آبنائے ہرمز کو کھولا جائے گا، تاہم اس کے انتظامات کبھی بھی جنگ سے پہلے کی صورتِ حال پر واپس نہیں جائیں گے۔ جنرل جوانی کے مطابق امریکا، اسرائیل اور ان کے اتحادی آبنائے ہرمز کا کنٹرول ایران سے چھیننے میں ناکام رہے ہیں، اور اس اہم بحری گزرگاہ کے حوالے سے ایران اور عمان کے درمیان جاری بات چیت کا مقصد جنگ کے حتمی خاتمے اور بعد کی صورتِ حال کا فریم ورک طے کرنا ہے۔