ایران کا آپریشن نصر 2 میں 200 امریکی فوجیوں کی ہلاکت کا دعویٰ

ایران کے پاسدارانِ انقلاب نے دعویٰ کیا ہے کہ ‘آپریشن نصر 2’ کے دوران 200 سے زائد امریکی فوجی ہلاک اور متعدد زخمی ہوئے ہیں۔ پاسدارانِ انقلاب کے ترجمان جنرل حسین محبی نے ‘تسنیم نیوز ایجنسی’ کو دیے گئے خصوصی انٹرویو میں واشنگٹن کی جانب سے جاری کردہ جانی نقصان کے اعداد و شمار کو جھوٹ قرار دیتے ہوئے مسترد کر دیا۔ انہوں نے موقف اختیار کیا کہ امریکہ نے اسلام آباد میں طے پانے والی مفاہمتی یادداشت کی خلاف ورزی کی تھی جس کے بعد ایران نے یہ جوابی کارروائی کی۔ جنرل محبی کا کہنا تھا کہ ایرانی افواج نے امریکی تعنیاتی کے 8 اہم مراکز کو نشانہ بنایا جن میں سے صرف ایک مقام پر ہی 20 پناہ گاہیں مکمل طور پر تباہ ہوئیں۔ انہوں نے مطالبہ کیا کہ امریکی حکومت آزاد صحافیوں کو ان تباہ شدہ مراکز کا معائنہ کرنے کی اجازت دے تاکہ حقیقت دنیا کے سامنے آ سکے۔