امریکا اور اسرائیل کی مکمل شکست تک پیچھے نہیں ہٹیں گے: ایرانی مسلح افواج

ایرانی مسلح افواج کے چیف آف جنرل اسٹاف میجر جنرل علی عبداللہی نے عزم ظاہر کیا ہے کہ امریکہ اور اسرائیل کی مکمل شکست تک ایران اپنے مؤقف سے پیچھے نہیں ہٹے گا۔ ایرانی مسلح افواج کے ترجمان کے مطابق مزاحمت اور دفاع کی میراث ملک کی نئی نسل میں منتقل ہو چکی ہے، جو دنیا کی بڑی طاقتوں کے سامنے ڈٹ کر کھڑی ہے۔ ایرانی جنرل اسٹاف کا مزید کہنا تھا کہ جب تک دشمن اپنے گھٹنے نہیں ٹیک دیتا، ایران اپنے تمام جائز اور قانونی حقوق کے حصول کے لیے جدوجہد جاری رکھے گا۔ انہوں نے الزام عائد کیا کہ امریکہ خطے میں اپنا غلبہ قائم رکھنے کے لیے مسلسل جارحیت اور سامراجی پالیسیوں پر عمل پیرا ہے۔