ایران کا امریکا پر ایک اور ’’کھلی جنگی جارحیت‘‘ کا الزام

ایران کی وزارتِ خارجہ کے ترجمان اسماعیل بقائی نے امریکا پر ایک اور ”کھلی جنگی جارحیت“ کا الزام عائد کر دیا ہے۔ سوشل میڈیا پلیٹ فارم ‘ایکس’ (سابقہ ٹوئٹر) پر جاری اپنے ایک بیان میں ترجمان اسماعیل بقائی نے کہا کہ واشنگٹن نے ایران میں شہری تنصیبات کو نشانہ بنا کر اور بے گناہ شہریوں کو قتل کر کے ایک اور سنگین جنگی جرم کا ارتکاب کیا ہے، جو کہ امریکیوں کی جانب سے اپنی مبینہ طاقت کا مظاہرہ ہے۔ انہوں نے امریکی فورسز کی کارروائیوں کی سخت الفاظ میں مذمت کرتے ہوئے واضح کیا کہ سول انفراسٹرکچر پر دانستہ حملے بین الاقوامی قوانین، انسانی حقوق اور جنگی اصولوں کی صریح اور کھلی خلاف ورزی ہیں۔