عباس عراقچی کا کایا کلاس سے ٹیلی فونک رابطہ، ایرانی جہاز پر یوکرینی حملے کی مذمت

ایران کے وزیر خارجہ عباس عراقچی نے یورپی یونین کی خارجہ امور کی سربراہ کایا کلاس سے ٹیلی فون پر گفتگو کے دوران بحیرہ کیسپیئن میں ایرانی تجارتی جہاز پر یوکرینی حملے کی شدید الفاظ میں مذمت کی ہے۔ ایرانی وزارت خارجہ کی جانب سے جاری بیان کے مطابق، دونوں رہنماؤں نے خطے کی تازہ ترین صورتحال اور بڑھتی ہوئی کشیدگی پر تبادلہ خیال کیا۔ عباس عراقچی نے اقوام متحدہ کی سلامتی کونسل، یورپی یونین اور عالمی برادری سے اس مجرمانہ اقدام پر فوری ردعمل کا مطالبہ کرتے ہوئے کہا کہ اس حملے کے ذمہ داروں اور ان کے حامیوں کو سخت جواب دہ ٹھہرایا جانا چاہیے۔ اس کے علاوہ دونوں رہنماؤں نے آبنائے ہرمز میں کشیدگی کو کم کرنے اور صورتحال کو قابو میں لانے کے لیے سفارتی راستے اختیار کرنے کی ضرورت پر زور دیا۔