فیفاورلڈکپ امریکا نے ایرانی ٹیم کیلئے سفری پابندیوں میں نرمی کر دی۔

فیفا ورلڈ کپ کے سلسلے میں ایرانی فٹبال ٹیم کے لیے ایک بڑی اور مثبت پیشرفت سامنے آئی ہے، جہاں امریکی حکام نے ایرانی ٹیم کو اپنے اگلے میچ سے 2 دن پہلے امریکا میں داخل ہونے کی اجازت دے دی ہے۔ اس سے قبل سخت سفری قوانین اور شیڈول کے باعث ایرانی ٹیم کو شدید مشکلات کا سامنا تھا اور انہیں میچ والے دن ہی میکسیکو سے سفر کر کے امریکا پہنچنا پڑتا تھا، جس سے کھلاڑیوں کی کارکردگی اور تیاری متاثر ہونے کا خدشہ تھا۔ تاہم، اس نئی اجازت کے باوجود امریکی حکام کی جانب سے دی گئی یہ ہدایت اب بھی بدستور برقرار ہے کہ ایرانی ٹیم کو اپنا میچ ختم ہونے کے فوراً بعد امریکا چھوڑنا ہوگا۔ واضح رہے کہ ورلڈ کپ کے دوران ایرانی ٹیم کا مرکزی بیس کیمپ میکسیکو کے سرحدی شہر تیجوانا میں قائم ہے، جہاں سے وہ میچز کھیلنے کے لیے سفر کر رہے ہیں۔