ایرانی وزارت توانائی کی شہریوں سے بجلی کا استعمال کم کرنے کی اپیل

ایرانی وزارتِ توانائی نے ملک بھر کے شہریوں سے بجلی کا استعمال فوری طور پر کم کرنے کی پرزور اپیل کی ہے۔ وزارتِ توانائی کی جانب سے جاری کردہ ایک بیان میں بتایا گیا ہے کہ ایران کے جنوبی علاقوں میں توانائی کے بنیادی ڈھانچے پر ہونے والے امریکی حملوں کے نتیجے میں بجلی کا قومی نظام شدید دباؤ کا شکار ہو گیا ہے۔ حکام نے عوام سے درخواست کی ہے کہ وہ بجلی کے زیادہ استعمال کے اوقات (Peak Hours) میں ایئر کنڈیشنرز (AC) بند رکھیں۔ وزارتِ توانائی کا مزید کہنا ہے کہ شہریوں کے اس تعاون اور اقدام کی بدولت جنگ زدہ جنوبی صوبوں میں بجلی کی فراہمی کو بلا تعطل یقینی بنانے میں مدد ملے گی۔