خطے میں امن کے بعد علاقائی ممالک کے درمیان ملاقاتیں بحال ہو جائیں گی: کاظم غریب آبادی

ایران کے نائب وزیر خارجہ کاظم غریب آبادی نے کہا ہے کہ خطے میں امن و استحکام کی بحالی کے بعد علاقائی ممالک کے درمیان اعلیٰ سطحی ملاقاتیں اور رابطے دوبارہ بحال ہو جائیں گے۔ ایک انٹرویو کے دوران انہوں نے کہا کہ خلیج فارس کی ریاستیں اب اس نتیجے پر پہنچ چکی ہیں کہ خطے کی سیکیورٹی خود علاقائی ممالک ہی کو مل کر یقینی بنانی چاہیے۔ کاظم غریب آبادی کا کہنا تھا کہ ایران پر مسلط کی گئی جنگ کے دوران زیادہ تر حملے امریکہ کی جانب سے کیے گئے تھے جبکہ صرف چند حملے براہِ راست خلیجی ریاستوں سے ہوئے تھے۔ انہوں نے مزید کہا کہ خطے کے ممالک یہ بات اچھی طرح سمجھ چکے ہیں کہ کسی بھی قسم کے تنازع کو بڑھاوا دینے سے علاقائی سیکیورٹی اور معاشی ترقی کو شدید خطرات لاحق ہوں گے۔