LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
ربیعہ احسن قتل کیس میں اہم پیشرفت، اہل خانہ نے ملزم کو معاف کر دیا ڈیفنس میں 11 سالہ گھریلو ملازم پر تشدد، گرم چائے کی پتیلی الٹ دی گئی روہنگیا میں مسلمانوں کو قتل عام اور جنسی تشدد کا نشانہ بنایا گیا،عالمی عدالت انصاف سٹاک مارکیٹ میں تیزی، کاروبار کا مثبت رجحان رہا جے یو آئی رہنماؤں کے خلاف مقدمہ، مفتی ابرار احمد کو وارنٹ کی تعمیل کروا دی عالمی و مقامی سطح پر سونے چاندی کی قیمتوں میں کمی امریکی، چینی اور روسی صدور کی چین میں تاریخی ملاقات، سرد جنگ کی ذہنیت ترک کرنے پر زور جنگ کے طریقے تبدیل، مسلح افواج جدید تقاضوں کے مطابق تیار ہیں: نیول چیف کوئٹہ: مسافر کوچ اور ایل پی جی باؤزر میں تصادم، خاتون اور بچے سمیت 10 افراد جاں بحق پارٹی کیخلاف ہتک آمیز بیانات، مرکزی مسلم لیگ کا عظمیٰ بخاری کو ہرجانے کا نوٹس مریم نواز نے سی ایم سولر پینل سکیم فیز ٹو کی منظوری دے دی شمالی وزیرستان میں فورسز کا کامیاب سرچ آپریشن، بارودی مواد کا بڑا ٹھکانہ تباہ عدالت کا 15 روز میں نادرا ای بیلٹنگ کا عمل مکمل کرنے کا حکم ایشیا پیسیفک کی ترقی کیلئے آزاد تجارت اور معاشی انضمام ضروری ہے: چینی صدر چترال: پاک فوج اور فرنٹیئر کور کے زیر اہتمام فری میڈیکل کیمپ کا انعقاد

ایران کی کوئٹہ دھماکے کی شدید مذمت، دہشت گردی کے خلاف مشترکہ تعاون پر زور

Web Desk

24 May 2026

کوئٹہ میں ٹرین پر ہونے والے دہشت گرد حملے پر ایران نے شدید ردعمل دیتے ہوئے دہشت گرد گروہوں کے خلاف مشترکہ تعاون اور ہم آہنگی کی ضرورت پر زور دیا ہے۔

ایرانی وزارت خارجہ کے ترجمان اسماعیل بقائی نے اپنے بیان میں کہا کہ ایران دہشت گردی کے خلاف جنگ کو عالمی ذمہ داری سمجھتا ہے اور اس ناسور کے خاتمے کے لیے خطے کے ممالک کو مل کر کام کرنا ہوگا۔

انہوں نے کہا کہ ایران کوئٹہ میں ہونے والے دہشت گرد حملے کی شدید مذمت کرتا ہے اور اس مشکل گھڑی میں پاکستان کے عوام اور حکومت کے ساتھ کھڑا ہے۔ اسماعیل بقائی نے جاں بحق افراد کے اہل خانہ سے تعزیت اور زخمیوں کی جلد صحت یابی کی دعا بھی کی۔

دوسری جانب پاکستان میں ایران اور روس کے سفارتخانوں نے بھی ریلوے اسٹیشن کے قریب ہونے والے دھماکے کی مذمت کی ہے۔

ایرانی سفیر رضا امیری مقدم نے کہا کہ اس گھناؤنے حملے کے منصوبہ ساز، سہولت کار اور سرپرست انسانیت دشمن ذہنیت کے حامل ہیں، جن کے خلاف مؤثر کارروائی ناگزیر ہے۔

روسی سفارتخانے کی جانب سے جاری بیان میں امید ظاہر کی گئی کہ حملے میں ملوث عناصر کو جلد بے نقاب کرکے انصاف کے کٹہرے میں لایا جائے گا۔

یاد رہے کہ اتوار کے روز کوئٹہ میں چمن پھاٹک کے قریب ریلوے ٹریک پر زور دار دھماکے کے نتیجے میں 3 ایف سی اہلکاروں سمیت 25 افراد جاں بحق جبکہ متعدد زخمی ہوگئے تھے۔ پولیس کے مطابق دھماکا اس قدر شدید تھا کہ قریبی عمارتوں کے شیشے ٹوٹ گئے جبکہ ٹرین اور قریب کھڑی کئی گاڑیوں کو بھی نقصان پہنچا۔

امریکی صدر کی حالیہ پوسٹ کے بعد خطے میں جاری کشیدگی اور ایران امریکا تعلقات پر بھی عالمی سطح پر توجہ مرکوز ہوگئی ہے، جبکہ مبصرین اس بیان کو ممکنہ طور پر جنگی ماحول سے دوری کا اشارہ قرار دے رہے ہیں۔