ایران کا امریکی بحری جہاز پر حملہ، بحرین میں امریکی ڈرونز کے ڈپو کو نشانہ بنانے کا دعویٰ

ایران نے شمالی بحرِ ہند میں امریکی بحری جہاز پر کروز میزائل سے حملے اور بحرین میں قائم امریکی فوجی تنصیبات کو نشانہ بنانے کا دعویٰ کیا ہے۔ خبر ایجنسی کے مطابق ایرانی فوج نے وارننگ دی ہے کہ اگر امریکی حملے جاری رہے تو مزید بھرپور جوابی کارروائی کی جائے گی۔ دوسری جانب، ایرانی میڈیا کے مطابق سپاہِ پاسدارانِ انقلاب نے دعویٰ کیا ہے کہ انہوں نے بحرین میں امریکی ڈرونز کے ایک اہم ڈپو کو نشانہ بنایا ہے، جس کے ساتھ ساتھ وہاں موجود مصنوعی ذہانت (AI) کے مرکز کو بھی بیلسٹک میزائلوں اور ڈرونز کی مدد سے مکمل طور پر تباہ کر دیا گیا ہے۔